Ein Herz für Tiere

Die Tante Juli,
die strickt an Pulli,
der is so klan, wie ihr gesamte Welt.

Der is fia’n Burli,
ihr’n fett’n Schnurrli,
der sich jed’n Tog drei Whiskas obiquölt.

Jetzt hot er grod auf’s Sofa g’spieb’m.
Ein Viecherl zum Verlieb’m!

Jo, jo, ihr Katzerl,
is hoit ihr Schatzerl,
es derf oll’s moch’n und es derf oll’s tuan.

Kriagt’s den Kanari
in seine Pratzerln,
kauft sie an neuch’n ohne jedes murr’n.

Und morg’n wird, wenn er grod net bliat,
der Kaktus frisch rasiert.

Ref:
Ein Herz für Tiere,
ein Herz für Blumen,
ein Herz zu haben,
das ist uns’re Pflicht!
Ein Herz für Stiere,
für den Bitumen,
nur ein Herz für Menschen
ham wir leider nicht!


Und dann da Rudl,
ihr kastrierter Pudl,
der is so oid, dass er fost nix mehr kneisst.

Des oarme Hascherl
kriagt a neich’s Mascherl,
auch wenn er auf’n Perserteppich scheisst.

Oder im Flur, zur Gaudi nur,
an von de Tschusch’n beisst.

„De schwoarz’n Lackln,
de sulln wos hackln!“,
knirscht die Juli mit ihre dritt’n Zähn’t.

„Wos hasst do spend’n?
Wos hasst do send’n?
De leb’n eh olle nur von meiner Rent’!

Rudl kumm her,
des Taxi woart, wir foahrn zu dei’m Friseur.“

Ref:
Ein Herz für Tiere,
ein Herz für Blumen,
ein Herz zu haben,
das ist uns’re Pflicht!
Ein Herz für Stiere,
für den Bitumen
nur ein Herz für Menschen
ham wir leider nicht!


„Und sollt ich einmal sterb’n,
dann werd’n die Viecherln und da Kaktus olles erb’n!“

 2003, Frauenluder