Beim Csejtei im Hof

Beim Csejtei im Hof wo die Mistkübeln stehn
Hinterm Wirtshaus da Platz hat vieles scho’ g’sehn
Vor hundert Jahr’ sans do mit die Pferd no g’foahrn
Die Äpfel ham’s hinten g’schissn und g’fressn hams vorn
Beim Csejtei im Hof

Beim Csejtei im Hof wo da Bierführer wart
Dass a Fass’l obbiagt und da Wirt si was spart
Früher ham da no die Zigeiner aufg’spült
In da Stub’n neb’m am Ofen, wer frech war der hat si verkühlt

Ref:
Beim Csejtei im Hof, beim Csejtei im Hof
Wo die Mistkübeln stehn


In die 40er Jahr’ hat da olde Wirt
Die Juden hamlich g’fuattert sonst war’n sie krepiert
Seine Nachbarn, die Guaten, ham brav olles g’meld’t
Die Gestapo hat ’n Csejtei im Gfängnis a Pritschn aufg’stellt
Statt beim Csejtei im Hof

Dann nach’n Krieg is a Wunder passiert
Da sann die Nazis zu die neich’n Parteien marschiert
Über’d Nacht und wenn an des G’wissen druckt
Rennt a heit no in’d Kirchn wo er’s Weihwasser kübelweis’ schluckt

Ref:
Beim Csejtei im Hof, beim Csejtei im Hof
Wo die Mistkübeln stehn
Beim Csejtei im Hof, beim Csejtei im Hof
Wo die Mistkübeln stehn

Beim Csejtei im Hof, beim Csejtei im Hof
Beim Csejtei im Hof, Wo die Mistkübeln stehn


Beim Csejtei im Hof da Ferrari heut brummt
Damit der Herbert mit die Huren in sei Bloshütt’n kummt
Übern Csejtei sein Hof wo die Mistkübeln stehn
Do wär i no oft in mei waches Bett schlafen gehen
Beim Csejtei im Hof

In die obersten Zimmer brauchst kan Vorhang vorziag’n
Wo die Feldbacher Herrn ihr Frau Doktor betriag’n
Weil die Gattin liegt eh scho im Zimmer daneb’n
Wahrscheinlich mit mir – so is halt beim Csejtei des Leb’n

Ref:
Beim Csejtei im Hof, beim Csejtei im Hof
Wo die Mistkübeln stehn
Beim Csejtei im Hof, beim Csejtei im Hof
Wo die Mistkübeln stehn
Wo die Mistkübeln stehn

2010, Neue Helden braucht das Land